ആധുനിക ഇന്ത്യയുടെ ശില്പിയായ ജവഹർലാൽ നെഹ്റുവിന്റെ ദർശനങ്ങളെയും സംഭാവനകളെയും സമഗ്രമായി വിലയിരുത്തുന്ന പഠനഗ്രന്ഥമാണ് നെഹ്റുവിന്റെ ഇന്ത്യ: ഭൂതം, വർത്തമാനം, ഭാവി. 2023-ലെ ഇന്ത്യൻ ചരിത്ര കോൺഗ്രസിൽ പ്രശസ്ത ചരിത്രകാരൻ ആദിത്യ മുഖർജി നടത്തിയ പ്രഭാഷണത്തിന്റെ വികസിത രൂപമാണിത്. ഇന്ത്യ എന്ന ജനാധിപത്യ മതേതര സങ്കല്പം ഇന്ന് നേരിടുന്ന വെല്ലുവിളികളെ നെഹ്റുവിയൻ കാഴ്ചപ്പാടിലൂടെ പ്രതിരോധിക്കാനാണ് ഈ പുസ്തകം ശ്രമിക്കുന്നത്. സാമ്പത്തിക ശാസ്ത്രം, ശാസ്ത്രമനോഭാവം, സാമൂഹിക നീതി എന്നീ മേഖലകളിൽ നെഹ്റു നൽകിയ അടിത്തറയെ പുസ്തകം ആഴത്തിൽ വിശകലനം ചെയ്യുന്നു.