ചെമ്മാട്: വായനാദിനത്തോടനുബന്ധിച്ച് ബുക്പ്ലസ് പബ്ലിഷേഴ്‌സും ചെമ്മാട് പ്രതിഭ ലൈബ്രറിയും സംയുക്തമായി വായനാദിന സിമ്പോസിയം സംഘടിപ്പിച്ചു. പ്രതിഭ ലൈബ്രറി സെക്രട്ടറി കെ. ശ്രീധരൻ ചടങ്ങിൽ അധ്യക്ഷത വഹിച്ചു.

മലയാളം ഗവേഷകനായ നാഫി ചേലാക്കോട് സിമ്പോസിയത്തിലെ പ്രധാന ചർച്ചയ്ക്ക് നേതൃത്വം നൽകി. വായനയുടെ പ്രാധാന്യവും പുതിയ തലമുറയിൽ വായനാശീലം വളർത്തിയെടുക്കേണ്ടതിന്റെ ആവശ്യകതയുമാണ് ചർച്ചയിൽ ഉയർന്നുവന്നത്. ഡിജിറ്റൽ യുഗത്തിലും അച്ചടിച്ച പുസ്തകങ്ങളുടെ പ്രസക്തി എത്രത്തോളമുണ്ടെന്ന് ചർച്ചയിൽ പങ്കെടുത്തവർ അഭിപ്രായപ്പെട്ടു.

ചടങ്ങിൽ നിഷ പന്താവൂർ, തൃക്കുളം മുരളി, ബാലു പരപ്പനങ്ങാടി, അനിൽ കരുമാട്ട്, ഡോ. ശിവാനന്ദൻ, ദീപക് ചെമ്മാട്, ഷാദുലി, തന്‍വീർ ഓമാനൂർ തുടങ്ങിയവർ സംസാരിച്ചു.

ചെമ്മാട് ബുക്പ്ലസ് പാർട്ടി ഹാളിൽ വെച്ചു നടന്ന പരിപാടിയിൽ പ്രദേശത്തെ പ്രമുഖ സാഹിത്യ-സാംസ്കാരിക പ്രവർത്തകരും അധ്യാപകരും വിദ്യാർത്ഥികളും പങ്കെടുത്തു. ബുക്പ്ലസ് പബ്ലിഷേഴ്‌സ് പ്രതിനിധികളും പ്രതിഭ ലൈബ്രറി ഭാരവാഹികളും പരിപാടികൾക്ക് നേതൃത്വം നൽകി. വായനാദിനാചരണത്തിന്റെ ഭാഗമായി ബുക്കാരവന്‍, ടൂർ ടു ബുക്പ്ലസ് എന്നിവയുൾപ്പെടെ മറ്റ് വിവിധ പരിപാടികളും ബുക്പ്ലസിന്റെ നേതൃത്വത്തിൽ സംഘടിപ്പിച്ചിരുന്നു.