നാട്ടുമണങ്ങളിൽ വേരൂന്നി, ചരിത്രത്തെയും രാഷ്ട്രീയത്തെയും അധികാരത്തെയും മനുഷ്യബന്ധങ്ങളെയും പുനർവായിക്കുന്ന നാലു ലഘുനോവലുകൾ. സാധാരണ മനുഷ്യരുടെ ജീവിതത്തിലേക്ക് അധികാരയുക്തികൾ കടന്നുവരുമ്പോൾ പിറക്കുന്ന ആശയക്കുഴപ്പങ്ങളും സംഘർഷങ്ങളും മനുഷ്യബന്ധങ്ങളുടെ സങ്കീർണതകളും ഈ രചനകളുടെ പ്രമേയമാകുന്നു. നാട്ടുഭാഷയുടെ സ്വാഭാവികതയും നർമബന്ധുരമായ ആഖ്യാനശൈലിയും ജീവിതത്തിന്റെ നേർത്ത ചലനങ്ങളെ കൂടുതൽ സജീവമാക്കുന്നു.