ലഹരിക്ക് അടിമപ്പെടാതെ പുസ്തകങ്ങളെ സ്നേഹിക്കാനാണ് ബുക്പ്ലസ് ഈ ദിനത്തിൽ ആഹ്വാനം ചെയ്തത്. ‘വായനയാണ് ലഹരി’ എന്ന ബാഡ്ജ് അണിഞ്ഞാണ് ബുക്പ്ലസിലെ ജീവനക്കാർ ലഹരി വിരുദ്ധ ദിനത്തിൽ ഓഫീസിലെത്തിയത്. ലഹരിയോടുള്ള ആസക്തിയെ ചെറുക്കാനുള്ള ഒരു മുൻകരുതൽ കൂടിയായിരുന്നു ഇത്.

പുതിയ തലമുറയെ ലഹരിയുടെ ദൂഷ്യവശങ്ങളെക്കുറിച്ച് ബോധവൽക്കരിക്കുക എന്ന ലക്ഷ്യത്തോടെയാണ് ബുക്പ്ലസ് ഇത്തരമൊരു ആശയം മുന്നോട്ട് വച്ചത്. ലഹരിക്ക് അടിമപ്പെടുന്നത് വ്യക്തിയെയും സമൂഹത്തെയും എങ്ങനെ ദോഷകരമായി ബാധിക്കുന്നുവെന്നും, അതിൽനിന്ന് മാറി വായനയിലൂടെ പുതിയൊരു ലോകം കണ്ടെത്തേണ്ടതിന്‍റെ ആവശ്യകതയും ബുക്പ്ലസ് ഓർമിപ്പിച്ചു. ലഹരി ഉപേക്ഷിച്ച് പുസ്തകങ്ങളെ സ്നേഹിക്കുന്നതിലൂടെ ലഭിക്കുന്ന മാനസികവും സാമൂഹികവുമായ ഉന്നമനവും ചടങ്ങിൽ ചർച്ചയായി.