മലയാളത്തിന്റെ എക്കാലത്തെയും പ്രിയപ്പെട്ട സംഗീതസംവിധായകൻ എം. എസ്. ബാബുരാജിനെക്കുറിച്ച് ഭാര്യ ബിച്ചയുടെ ഓർമകളുടെ പുസ്‌തകം. ദുഃഖവും വേദനകളും ആധാരശ്രുതിയായി നിലകൊള്ളുമ്പോഴും അമുല്യങ്ങളായ ഈണങ്ങൾ സൃഷ്ടിച്ച അതുല്യപ്രതിഭയുടെ കലയും ജീവിതവും ഈ ഓർമകളിലൂടെ അടുത്തറിയാം. കളങ്കമില്ലാത്ത ഈണത്തിൻ്റെയും ലളിതവും അർഥസമ്പുഷ്ടവുമായ വരികളുടെയും അടിത്തറയിൽ മലയാള ചലച്ചിത്രഗാനമേഖല കെട്ടിപ്പടുക്കുന്നതിൽ വിലപ്പെട്ട പങ്കുവഹിച്ച സംഗീതസംവിധായകരും ഗായകരും എഴുത്തുകാരുമെല്ലാം ഇതിൽ കടന്നുവരുന്നു. ഒപ്പം, മലയാളചലച്ചിത്രസംഗീതം വളർന്നുവന്ന കാലവും. സംഗീതവും ഓർമകളും ഇഴപാകിയ ഗൃഹാതുരതയുടെ പുസ്‌തകം.