ഇന്ത്യയിലെ ജനാധിപത്യവും സാമൂഹികജീവിതവും അപകടകരമായ നിലയിൽ അപരവിദ്വേഷത്തിലൂടെ കടന്നുപോകുന്നതിനെതിരെ പ്രതിരോധം തീർക്കുന്ന ലേഖനങ്ങൾ. സാംസ്കാരിക-സാഹിത്യമേഖലയിലെ അധീശത്വധാരണകളെ വിമർശനാത്മകമായി സമീപിക്കേണ്ടതിന്റെ അനിവാര്യത അടയാളപ്പെടുത്തുന്ന സംവാദരേഖയാണിത്. കേരളത്തിലെ ദലിത് വൈജ്ഞാനികതയ്ക്ക് അടിത്തറയിട്ട കെ.കെ കൊച്ച്, എം. കുഞ്ഞാമൻ, കെ.കെ.എസ് ദാസ്, ദലിത് ബന്ധു എൻ.കെ ജോസ്, കെ.എം സലിം കുമാർ തുടങ്ങിയവരുടെ ധൈഷണിക സംഭാവനകളെ ആഴത്തിൽ ഈ കൃതി വിശകലനം ചെയ്യുന്നു. സമകാലിക ഇന്ത്യയിലെ ജനാധിപത്യ സങ്കൽപങ്ങളെ അഴിച്ചുപണിയേണ്ടതിന്റെ അനിവാര്യത ബോധ്യപ്പെടുത്തുന്ന പുസ്തകം.