ശമാഇൽ ജ്ഞാനശാഖയുടെ വൈജ്ഞാനിക വൈപുല്യം മലയാളത്തിലേക്ക് വേണ്ടതുപോലെ കടന്നുവന്നിട്ടില്ല. മുത്ത്നബി യുടെ ആകാര വർണനകൾ, ശാരീരിക സവിശേഷതകൾ, സ്വഭാവ മഹിമ, നിത്യോപയോഗ വസ്തുക്കൾ തുടങ്ങിയ ശമാഇൽ വിജ്ഞാനീയങ്ങളാണ് ഈ പുസ്തകത്തിൻ്റെ ഉള്ളടക്കം. മലയാളത്തിലെ ശമാഇൽ വായനയിൽ വലിയ വിലാസം തീർത്ത രചനയാണിത്. മലയാളത്തിൽ എഴുതപ്പെട്ട ശമാഇൽ ഗ്രന്ഥങ്ങളിൽ ‘തിരുനബി(സ) സൗന്ദര്യ സ്വരൂപം’ എന്ന ചെറുകൃതി വലിയ സ്ഥാനമർഹിക്കുന്നു. പ്രഭാഷകനും സംഘാടകനുമായ ഡോ. മുഹമ്മദ് ഫാറൂഖ് നഈമി അൽ ബുഖാരിയാണ് എഴുത്തുകാരൻ.