കൊണ്ടോട്ടി: കെ. അബൂബക്കര്‍ രചിച്ച മുത്തുനബിയും പനിനീര്‍പൂവും, എ.കെ അബ്ദുല്‍ മജീദ് എഡിറ്റ് ചെയ്ത മുഹമ്മദ് നബി പാശ്ചാത്യ ചിന്തകരുടെ ദൃഷ്ടിയില്‍ എന്നീ പുസ്തകങ്ങള്‍ അലിയാര്‍ ഖാസിമി പ്രകാശനം ചെയ്തു. കൊണ്ടോട്ടി അമാന ടവറില്‍ റൈറ്റേഴ്‌സ് ഫോറം സംഘടിപ്പിച്ച തിരുദൂതരാണ് നമുക്ക് മാതൃക എന്ന പരിപാടിയായിരുന്നു വേദി.
വിവിധ ഭാഷകളില്‍ വിരചിതമായ കവിതകള്‍ മുഹമ്മദ് നബിയെ അടയാളപ്പെടുത്തിയതെങ്ങനെ എന്ന അന്വേഷണത്തിന്റെ കണ്ടെത്തലാണ് മുത്തുനബിയും പനിനീര്‍ പൂവും. മാര്‍ട്ടിന്‍ ലിങ്‌സ്, കരന്‍ ആംസ്‌ട്രോങ്ങ്, ആനി ബസന്റ്, ഫ്രിത്‌ജോഫ് ഷുവോന്‍, ജെഫ്രി ലാംഗ് തുടങ്ങിയ പാശ്ചാത്യന്‍ ചിന്തകര്‍ മുഹമ്മദ് നബിയെക്കുറിച്ചെഴുതിയ ലേഖനങ്ങളുടെ സമാഹാരമാണ് മുഹമ്മദ് നബി പശ്ചാത്യ ചിന്തകരുടെ ദൃഷ്ടിയില്‍.