കേരള നിയമസഭ സംഘടിപ്പിച്ച മൂന്നാമത് അന്താരാഷ്ട്ര പുസ്തകോത്സവത്തിൽ ‘തടാകത്തിൽ പ്രതിഫലിക്കുന്ന ഈത്തപ്പനയുടെ നിഴൽ’ എന്ന കുഴൂർ വിത്സൻ്റെ പുസ്തകത്തിൻ്റെ വായന സംഘടിപ്പിച്ചു. വേദി നാലിൽ നടന്ന പരിപാടിയിൽ ബുക്പ്ലസ് മാനേജിങ് എഡിറ്റർ ഷാഫി ചെങ്ങര ആമുഖ സന്ദേശം നൽകി. കുഴൂർ വിത്സൺ പുസ്തകത്തിൽ നിന്നും പ്രിയപ്പെട്ട കവിതകൾ ചൊല്ലി. മുതിർന്ന കവിയും എഴുത്തുകാരനുമായ ശിവകുമാർ അമ്പലപ്പുഴ, ഷമീന ബീഗം എന്നിവർ പുസ്തകത്തെക്കുറിച്ച് സംസാരിച്ചു.