മുസ്‌ലിം യൂത്ത് ലീഗ് ജില്ലാ കമ്മിറ്റി ജനുവരി 31 ഫെബ്രുവരി 1,2 തീയതികളിലായി മലപ്പുറത്ത് നടത്തിയ ‘മ’ കൾച്ചറൽ ആൻഡ് ലിറ്ററേച്ചർ ഫെസ്റ്റിവലിൻ്റെ ഭാഗമായി ഏർപ്പെടുത്തിയ ലിറ്റററി അവാർഡുകളിൽ രണ്ട് അവാർഡുകൾ ബുക്പ്ലസിന് ലഭിച്ചു. ഷമീർ കൈപ്പങ്ങരയുടെ ‘മുഗളന്മാരും സൂഫികളും’ വൈജ്ഞാനിക സാഹിത്യ വിഭാഗത്തിലും ഹക്കീം ചോലയിലിൻ്റെ ‘പോരാളികളുടെ ദേശം’ നോവൽ വിഭാഗത്തിലും അവാർഡിനായി തിരഞ്ഞെടുക്കപ്പെട്ടു. ശിഹാബുദ്ധീൻ പൊയ്ത്തുംകടവ് ചെയർമാനായ ജൂറിയാണ് വിജയികളെ തിരഞ്ഞെടുത്തത്. 10000 രൂപയും ഫലകവും അടങ്ങുന്ന അവാർഡ് ഫെബ്രുവരി രണ്ടാംവാരം മലപ്പുറത്ത് നടക്കുന്ന പരിപാടിയിൽ ജേതാക്കൾക്ക് സമ്മാനിക്കും.