ഇന്ത്യയുടെ ഏറ്റവും വിദൂരമായ മൂന്ന് അതിർത്തി മേഖലകളിലേക്കുള്ള യാത്രകളെ വായനക്കാർക്ക് മുന്നിൽ തുറന്നുവെക്കുന്ന ‘ഗൂർഖകളുടെ നാട്ടിൽ’ ഷാർജാ അന്താരാഷ്ട്ര പുസ്തകോത്സവത്തിൽ വെച്ച് പുനഃപ്രകാശിതമായി. യു.കെ അജ്മലാണ് പുസ്തകത്തിന്റെ രചയിതാവ്. റൈറ്റേഴ്‌സ് ഫോറം ഹാളിൽ നടന്ന പരിപാടിയിൽ കുഴൂർ വിത്സൺ പുസ്തകം ഹാഷിർ അബ്ദുൽ ഖാദറിനു നൽകിയായിരുന്നു പുനഃപ്രകാശനം ചെയ്തത്. പരിപാടിയിൽ നാസര്‍ റഹ്മാനി പാവണ്ണ, ശഫീഖ് ഹുദവി വെളിമുക്ക്, സഫീർ ബാബു, മുനീര്‍ തോട്ടത്തില്‍ , ശിഹാബ്, കുഞ്ഞുമുഹമ്മദ്, ഡോ.അശ്വതി അനില്‍ കുമാര്‍, ഫൈസല്‍ പടിക്കല്‍, സുഹൈല്‍, സൈനുദ്ദീന്‍ ഹുദവി മാലൂര്‍ എന്നിവർ പങ്കെടുത്തു.