വായനദിന ആഘോഷങ്ങളുടെ ഭാഗമായി ബുക്പ്ലസും ഗ്രാമപോഷിണി ഗ്രന്ഥശാലയും ചേർന്ന് എ എം എൽ പി സ്കൂൾ ചുള്ളിപ്പാറയിൽ പുസ്തക പ്രദർശനവും, മത്സരങ്ങളും സംഘടിപ്പിച്ചു. പരിപാടിയിൽ സത്യൻ മാസ്റ്റർ സ്വാഗതം പറഞ്ഞു. ഡിവിഷൻ കൗൺസിലർ സഹീർ കളത്തിൽ ഉദ്ഘാടനം നിർവ്വഹിച്ചു. ബുക്പ്ലസ് പ്രോഗ്രാം കോർഡിനേറ്റർ മുഹമ്മദ് അജീർ വായനയുടെ പ്രാധാന്യത്തെ കുറിച്ച് കുട്ടികളും രക്ഷിതാക്കളുമായി സംവദിച്ചു. വായനദിനത്തോട് അനുബന്ധിച്ച് നടത്തിയ മത്സരങ്ങളിലെ വിജയികൾക്ക് സദസ്സിൽ വെച്ച് അതിഥികൾ സമ്മാനങ്ങൾ കൈമാറി. കുട്ടികളുടെയും രക്ഷിതാക്കളുടെയും ഇടപെടലുകളോടെ പുസ്തക പ്രദർശനം പരിപാടിയുടെ മികച്ച അനുഭവമായി. എ എം എൽ പി സ്കൂൾ ഹെഡ്മിസ്ട്രെസ് സിന്ധു ടീച്ചർ, ഗ്രാമപോഷിണി ഗ്രന്ഥശാല സെക്രട്ടറി ആഷിക്ക് വളപ്പിൽ, മഹ്ബൂബ് പി കെ, മുജീബ് മാസ്റ്റർ എന്നിവർ പരിപാടിയിൽ ആശംസകൾ അറിയിച്ചു.