സുഹൈല വെള്ളിലയുടെ ആദ്യ കഥാസമാഹരം ‘റായ്‌ഗല്ലിയിലെ സംഗീതരാവുകൾ’ വള്ളുവനാടൻ സാംസ്‌കാരിക വേദി അങ്ങാടിപ്പുറം കോട്ടപ്പുറം യു.പി സ്കൂളിൽ സംഘടിപ്പിച്ച സർഗ സംഗമ പരിപാടിയിൽ വെച്ച് യുവ ഗായകനും സംഗീത സംവിധായകനുമായ സുദീപ് പാലനാട് പുന:പ്രകാശനം ചെയ്തു. സുഹൈല വെള്ളിലയുടെ സാന്നിധ്യത്തിൽ വേദി ചെയർമാൻ ബഷീർ മാസ്റ്റർ പുസ്തകം ഏറ്റുവാങ്ങി പുസ്തകത്തെക്കുറിച്ച് സംസാരിച്ചു. സതീശൻ മാസ്റ്റർ, അഡ്വ.പി നിഷാദ്, ആരിഫ് കൂട്ടിൽ, ഉദയൻ എന്നിവർ പരിപാടിയിൽ ആശംസകൾ അറിയിച്ചു.