മറ്റ് പല സാമൂഹിക യാഥാർത്ഥ്യങ്ങളെയുമെന്ന പോലെ ഇസ്ലാമോ ഫോബിയയെയും ഒരു യാഥാർത്ഥ്യമായി പൊതു സമൂഹത്തിന് അംഗീകരിക്കേണ്ടതായി വരും. യൂറോപ്പിലും അമേരിക്കയിലും അക്കാദമിക് സമൂഹം ഇതിനെ ഗൗരവത്തിലെടുക്കുകയും പിന്നീട് പല ഭരണകൂടങ്ങളും ഇതുമായി ബന്ധപ്പെട്ട നടപടികളിലേക്ക് നീങ്ങുകയുമുണ്ടായിട്ടുണ്ട്. വാർഷിക റിപ്പോർട്ടുകൾ പ്രസിദ്ധീകരിക്കുന്നത് അങ്ങനെയാണ്. ഐക്യരാഷ്ട്രസഭയുടെ റിപ്പോട്ടുകളും ലോകഇസ്ലാമോഫോബിയ ദിനാചരണവും (മാർച്ച് 15) വരെ എത്തി അതെന്നത് ശ്രദ്ധേയവും ആശ്വാസകരവുമാണ്.